لە ئۆپەراسیۆنی قەڵغانی فوڕات ٢٦ پێگەی داعش بۆردومانکرا

ئەنقەرە

لە چوارچێوەی ئۆپەراسیۆنی قەڵغانی فوڕات، سوپای تورکیا ٢٦ پێگەی رێکخراوی تیرۆریستی داعشی بۆردومانکرد.
سەرۆکایەتی ئەرکانی سوپای تورکیا لەبارەی ئۆپەراسیۆنی قەڵغانی فوڕات زانیاری پێشکەش کرد.راشگەیەنرا کە چالاکییەکانی پشکنین و چاودێری لە ناوچەی نێوان جەرابلوس و ئەلراعی بەردەوامە.

سەرۆکایەتی ئەرکانی سوپای تورکیا راشیگەیاند کە لە ئەنجامی تەقینەوەی بۆمبێکی بەدەست دروستکراو لە ناوچەی تاتیموس پێنج چەکداری ھێزەکانی ئۆپۆزسیۆنی سووریا کوژران و شەش سەربازی ئۆپۆزسیۆنیش برینداربوون. راشیشگەیەنرا کە ھێزە تایبەتییەکانی ئەمریکا ھاوکاری سوپای تورکیا و ھێزەکانی ئۆپۆزسیۆنی سووریا لە ئۆپەراسیۆنی ناوچەی نێوان عەزاز- ئەلراعی کردووە.ھاوکات لە چوارچێوەی ئۆپەراسیۆنی قەڵغانی فوڕات، سوپای تورکیا ٢٦ پێگەی رێکخراوی تیرۆریستی داعشی ٧٢ جار بۆردومانکردووە. بەم پێیەش لەوەتەی دەستپێکی ئۆپەراسیۆنەکە تا ئێستا ٥٥٣ پێگەی داعش دوو ھەزار و ٣٢٧ جار بۆردومانکراوە.لە پاڵ ئەمەشدا ھێزەکانی ھاوپەیمانی نێودەوڵەتی لە ناوچەکانی کونەیترا، تاتیموس و باراگیدا چوار ھێرشی ئاسمانی ئەنجامدراوە و پێنج چەکداری داعش کوژراون و برینداربوون. ھەروەھا پێنج بینای سەر بەو رێکخراوە بۆردومانکراوە.