مێرکڵ: "ئەمڕۆ خاڵی وەرچەرخانە بۆ یەکێتیی ئەورووپا"

بەرلین

راوێژکاری ئەڵمانیا ئەنجێلا مێرکل رایگەیاند کە بڕیاری جیابوونەوەی بریتانیا لە یەکێتیی ئەورووپا خاڵی وەچەرخانە بۆ یەکێتییەکە".

مێرکل لەمیانی گوتەیەکیدا لە بەردەم پەرلەمانی وڵاتەکەی سەبارەت بە جیابوونەوەی بریتانیا لە یەکێتیی ئەورووپا نیگەرانی خۆی لە بەرامبەر بڕیارەکەوە دەربڕی.

مێرکل ئاماژەی بەوە دا کە ئێستا کاتی یەکگرتوویی ئەورووپایە.

مێرکڵ لە گوتەکەیدا جەختی کردەوە لە سەر یەکڕیزی و یەکگرتوویی ئەڵمانیا کە بووەتە گومانی زۆریک لە خەڵک و هەروەها گوتی: "ئازادی بۆ رکابەرێتی جیهانی و پاراستنی بەرژەوەندی دیموکراسی و بەهاکانی دەوڵەتی یاسا لە رێگەی یەکڕیزییەوە دێتەدی و دەبێت وانەیەکی مێژوویی باش لە ریفراندۆمی بریتانیا بەدی بێنین".

مێرکل راشیگەیاند کە "یەکێتیی ئەورووپا دەبێت لە داهاتوودا پەیوەندییەکی دۆستانە و نزیکی لەگەڵ بریتانیادا هەبێت".