کۆبوونەوەی ئەنجوومەنی ئاسایشی ئەڵمانیا لەسەر هێرشەکەی میونخ

بەرلین

لەبارەی هێرشەکەی رۆژی رابردووی شاری میونخەوە، راوێژکاری ئەڵمانیا ئەنگێلا مێرکل سەرۆکایەتی کۆبوونەوەی ئەنجوومەنی ئاسایشی وڵاتەکەی کردو دواتر لێدوانی بۆ رۆژنامەنووسان دا.

لە گوتەکەیدا مێرکل ئاماژەی بەوەدا کە شەوی رابردوو ٩ کەس لەکاتی سەردانیان بۆ مۆڵێک بەهۆی دەسترێژی کەسێکەوە گیانیان لەدەست دا و خەمباری خۆیشی بۆهێرشەکە دەربڕی.

مێرکل ئاماژەی بە هێرشەکانی ئەم دواییەی شاری نیس و ورزبۆرگی دا و رایگەیاند کە ئەوەی لەدەستیان بێت دەیکەن بۆ خستنە ڕووی راستییەكانی رووداوەکە.

مێرکل رایگەیاند کە هێزە ئەمنییەکان ئەوەی لە توانایان دا بێت ئەنجامی دەدەن بۆ پاراستنی ئاسایش و ئازادی خەڵکی.