Abdullah Shukur
25 ئادار 2017•نوێکردنەوە: 26 ئادار 2017
ئەتاڵیا - AA
سەرکۆماری تورکیا رەجەب تەیب ئەردۆغان گوتی: "لەوانەیە گشتپرسی بۆ پرسی بە ئەندامبوون لە یەکێتی ئەورووپا ئەنجام بدەین و گەلیش چ بڕیارێک بدات ئێمە جێبەجێی دەکەین".
سەرکۆماری تورکیا رەجەب تەیب ئەردۆغان لە رێوڕەسمی کۆتایی کۆربەندێکی شاری ئەنتاڵیا وتارێکی پێشکەش کرد.
ئەردۆغان لەبارەی ھێرشەکەی لەندەن گوتی: "دواجار تیرۆر مەحکوومی دۆڕاندنە. ئەم ھێرشانە، چۆک بە ئێمە دانانێن و بەرەنگاریمان بەھێزتر دەکات. تورکیا لە بەرەنگاربوونەوەی تیرۆر ھاوشانی شانیشنی یەکگرتووە".
ئەردۆغان لەبارەی ھێرشە تیرۆریستییەکەی شاری لەندەن زیاتر گوتیشی: "ئەم ھێرشە دوا نموونەی ئەوەیە کە تیرۆر ھیچ سنوورێکی نییە و ھیچ وڵاتێک و رەوشتێک ناناسێت. بە ئامانج گرتنی پەرلەمان جێگەی سەرنجە و ھاوشێوەی ھەوڵی کودەتای ١٥ی تەمووزە. ئێوەش دەزانن کە پەرلەمانی ئێمەش بۆردومانکرا".
ئەردۆغان لە وتارەکەیدا لەبارەی خۆپیشاندانەکەی سویسرا گوتی: "کەمێک پێش ئێستا لە گفتوگۆیەکمدا گوتم "ئێوە (بەریتانیا) لەبارەی برێکسیتەوە بڕیارێکتان دەرکرد. واتە لە دوای ١٦ی نیسان شتی جیاواز دێتەئاراوە. ئەمڕۆ لە پەرلەمانی سویسرا دەبینین، رێکخراوێکی تیرۆریستی توندڕەو لە پێش پەرلەمان وێنەی من دادەنێن کە تێدا چەکێک ئاراستەی سەرم کراوە. ئایا شتێکی بەم شێوەیە لۆژیکییە؟ ئەم وڵاتە سویسرایە. ھاوشێوەی ئەمانە زۆرە. ئێستا شتێکی ھاوشێوەی برێکسیت، ئێمەش لە ١٦ی نیسان ریفراندۆم ئەنجام دەدەین. لەوانەیە لە دوای ئەمەش گشتپرسی لە دانوستانەکانی تورکیا لە ئەندامێتی یەکێتی ئەورووپا ئەنجام بدەین. گەل چی بڕیارێک بدات ئێمەش پابەندی ئەم بڕیارە دەبین".
سەرکۆماری تورکیا رەجەب تەیب ئەردۆغان رایگەیاند کە ھەڵوێستی سیاسەتمەدارانی ئەورووپا جێگەی قبوڵ نییە و گوتیشی: "پێویستە بزانرێ ئێمەش تا سنوورێک بەرگەی ئەو ھەڵوێستەی چەند وڵاتێکی ئەورووپی لە دژی تورکیا دەگرین. لە پێناو چوار کورسی، بە قوربانیدانی پەیوەندی ٤٠٠ ساڵەمان و بێزارکردنی وەزیران و دیپلۆماتکاران و گەلەکەمان قبوڵ ناکەین. چاوەڕێی ئەوە دەکەین سیاسەتمەدارانی ئەورووپا بە زووترین کات واز لەم ھەڵوێستەیان بھێنن".
