ئیستانبوڵ.. یادکردنەوەی سەرکەوتنی ٣٠ی ئاب

ئیستانبوڵ- AA

لە شاری ئیستانبوڵ، نەوەد و نۆیەمین ساڵیادی سەرکەوتنی ٣٠ی ئاب کرایەوە.

بەو بۆنەیەوە لە مەیدانی تەقسیم و لەبەردەم مۆنۆمێنتی کۆمار، رێوڕەسمێک رێک خرا و تاجەگوڵینە لەسەر مۆنۆمێنتەکە داندرا.

لە رێوڕەسمەکەدا هەریەکە لە پارێزگاری ئیستانبوڵ، عەلی یەرلیکایا و فەرماندەی سوپای یەک، لیوا کەمال یەنی و سەرۆک شارەوانی ئیستانبوڵ، ئەکرەم ئیمامئۆغڵو و بەڕێوبەری ئاسایشی شارەکە، زەفەر ئاکتاش و ژمارەیەک پەرلەمانتار و نوێنەری پارتە سیاسییەکان ئامادە بوون.

دوای رێوڕەسمەکەش، سەرۆک شارەوانی ئیستانبوڵ، ئەکرەم ئیمامئۆغڵو لێدوانی بۆ کەناڵەکانی راگەیاندن دا و باسی لەوە کرد کە ئەو گەلەی نەوەد و نۆ ساڵ بەرلە ئێستا و لە ٣٠ی ئابدا، توانی لە خەباتی رزگارییدا سەرکەوتن بەدەست بهێنێت لە سەردەمی ئێستادا، پێویستی بە بەدەستهێنانی سەرکەوتنی دیکە هەیە.