هەکاری.. یادکردنەوەی سەرکەوتنی ٣٠ی ئاب

هەکاری- AA

لە شارۆچکەی چوکورجا سەربە پارێزگای هەکاری، بەبۆنەی نەوەد و نۆیەمین ساڵیادی سەرکەوتنی ٣٠ ئاب، رێوڕەسمێک ساز کرا.

رێوڕەسمەکە بە دانانی تاجەگوڵینە لەسەر مۆنۆمێنتی ئەتاتورک و سروودی نیشتمانیی تورکیا، دەستی پێ کرد.

دواتر چەند گوتارێک لە بارەی گرنگی ئەم سەرکەوتنەوە پێشکەش کران.

لە رێوڕەسمەکەدا، جێگری فەرماندەی لیوای دووی سنوور، عەقید سائیم تاباک و سەرۆکی شارەوانی هەکاری، ئەنسار دوندار و بەڕیوبەری ئاسایشی قەزای چوکورجا، فاتیح ئاجار و نوێنەری پارتە سیاسییەکان و رێکخراوەکانی کۆمەڵیی مەدەنی ئامادە بوون.