بە سەرۆکایەتی سەرکۆمار ئەردۆغان کۆبوونەوەی شورای باڵای سەربازی دەستیپێکرد

ئەنقەرە - AA

بە سەرۆکایەتی سەرکۆماری تورکیا، ڕەجەب تەیب ئەردۆغان کاتژمێر ١٢:١٠ خولەکی ئەمڕۆ، کۆبوونەوەی شورای باڵای سەربازی دەستیپێکرد.

کۆبوونەوەکە لە کۆشکی سەرۆکایەتی کۆمار بەڕێوەدەچێت و تیایدا ئەندامانی شوراکە کە پێکهاتووە لە جێگری سەرکۆمار، جەودەت یڵماز و وەزیری داد، یڵماز تونچ و وەزیری دەرەوە، هاکان فیدان و وەزیری گەنجینە و دارایی، مەهمەت شیمشەک و وەزیری ناوخۆ، عەلی یەرلیکایا و وەزیری پەروەردە، یوسف تەکین و وەزیری بەرگریی، یاشار گولەر و سەرۆکی ئەرکانی سوپا، جەنەراڵ مەتین گوراک و فەرماندەی هێزەکانی وشکانیی، جەنەراڵ سەلچوق بایراکتارئۆغڵو و فەرماندەی هێزەکانی دەریایی، ئەدمیراڵ ئەرجومەنت تاتڵیئۆغڵو و فەرماندەی هێزەکانی ئاسمانیی، جەنەراڵ زیا جەمال کادیئۆغڵو بەشدارن.