بەهۆی رۆچوونی زەوییەوە لە بینگۆل داڕووخان لە رێگایەکدا رووی دا

بینگۆل – AA

بەهۆی رۆچوونی زەوییەوە لە پارێزگای بینگۆل، داڕووخان لە رێگای نێوان دوو گونددا رووی دا.

دوای توانەوەی بەفر و بارانبارینی بەلێزمە رۆچوونی زەوی لە رێگای نێوان هەردوو گوندی شابان و یەلەسەن کە سەربە شاری بینگۆل-ن رووی دا.

بەم هۆیەوە داڕووخان لە سێ خاڵی سەر رێگاکە رووی دا.

تیمەکانی فەرمانگەی کاروباری تایبەتی پارێزگای بینگۆل رێگاکەیان بە رووی هاتوچۆی ئۆتۆمبێلدا داخستووە و بەردەوامن لە ئەنجامدانی کارەکانیان.

سکرتێری گشتیی فەرمانگەی کاروباری تایبەتی پارێزگای بینگۆل، ئەسەن ئوچگول لە هەژماری فەرمیی خۆی لە تۆڕی کۆمەڵایەتی نووسیوویەتی: "لە بەرنامەماندایە دوای ئەنجامدانی کاری پێویست، سبەی رێگاکە بکەینەوە".