دەستگیرکردنی دوو هەزار و ١٥٥ کۆچبەری نایاسایی لە ئۆپەراسیۆنەکانی قەڵغان-٧دا

ئەنقەرە - AA

وەزیری ناوخۆی تورکیا، عەلی یەرلیکایا بڵاویکردەوە لە میانی ئۆپەراسیۆنەکانی قەڵغان-٧دا کە لە ٢٧ پارێزگا بەڕێوەچوو، ٨٠ قاچاغچیی کۆچبەران و دوو هەزار و ١٥٥ کۆچبەری نایاسایی دەستگیرکران.

لە پەیامێکیدا کە لە هەژماری خۆی لە تۆڕی کۆمەڵایەتییدا بڵاویکردەوە یەرلیکایا ئاماژەی بەوە کرد لە چوار ڕۆژی یەکەمی ساڵدا، لە ٢٧ پارێزگادا ئۆپەراسیۆنیان کردووەتە سەر قاچاغچیانی کۆچبەرانی نایاسایی.

2024 yılının ilk 4 gününde 2️⃣7️⃣ ilde Göçmen Kaçakçılığı Organizatörleri ve Düzensiz Göçmenlere yönelik gerçekleştirilen “KALKAN-7” Operasyonlarında
8️⃣0️⃣ Göçmen Kaçakçılığı Organizatörü ve
2️⃣.1️⃣5️⃣5️⃣ Düzensiz Göçmen Yakalandı❗️

Umut Tacirliği Yaparak İnsanları Kandıran, Binlerce… pic.twitter.com/VpAlq9lqeD

— Ali Yerlikaya (@AliYerlikaya) January 8, 2024

یەرلیکایا باسی لەوە کرد کە لە ئۆپەراسیۆنەکاندا ٨٠ قاچاغچیی کۆچبەران و دوو هەزار و ١٥٥ کۆچبەری نایاسایی دەستگیرکراون و ڕایگەیاند: "هەرگیز ڕێگە بە بازرگانانی مرۆڤ نادەین کە بە ئەنجامدانی بازرگانی ئومێد خەڵکی فریودەدەن و هەزاران کەس ڕاپێچی مردن دەکەن لە ڕێگاکانی کۆچدا و هەوڵ دەدەن وڵاتەکەمان بکەن بە ڕێڕەوی گواستنەوەى کۆچی نایاسایی. لە ئەنجامی ئەو ئۆپەراسیۆنانەی لە ٢٧ پارێزگا لەلایەن جەندرمە و پۆلیس و ئاسایشی کەنار دەریاوە کرایە سەر ٥٧ شوێنی جیاواز ٨٠ قاچاغچیی کۆچبەران دەستگیرکران لەوانەیش شەشیان دەستبەسەر کران و چواریان بە مەرج ئازاد کران. ئۆپەراسیۆنەکانمان بۆ سەر قاچاغچیی کۆچبەر، پێداگرانە و کۆڵنەدانانە بەردەوام دەبێت".