سەرکۆمار ئەردۆغان تاوەری چامڵیجای بەسەرکردەوە

ئیستانبوڵ- AA

سەرکۆماری تورکیا، رەجەب تەیب ئەردۆغان تاوەری تەلەڤیزیۆن و رادیۆی کوچوک چامڵیجا کە کارەکانی بنیاتنانی درێژەی هەیە، بەسەرکردەوە.

رەجەب تەیب ئەردۆ‌غان سەر لە نیوەڕۆ لە شوێنی مانەوەی لە کسکڵیەوە هات و سەردانی تاوەری تەلەڤیزیۆن و رادیۆی کوچوک چامڵیجای کرد. ماوەی یەک کاتژمێر لە تاوەرەکە مایەوە و پرۆژەکەی بەسەرکردەوە و زانیاریی سەبارەت بە کارەکان لە کاربەدەستان وەرگرت.

هەریەک لە وەزیری گەنجینە و دارایی تورکیا، بەرات ئاڵبایراک و وەزیری گواستنەوە و ژێرخان، جاهید تورهان و پارێزگاری ئیستانبوڵ، واسیپ شاهین و سەرۆکی شارەوانی ئیستانبوڵ، مەولود ئویساڵ یاوەری سەرکۆمار ئەردۆغان-یان کرد لە میانی بەسەرکردنەوەی تاوەری تەلەڤیزیۆن و رادیۆی کوچوک چامڵیجا.

دوای ئەوەی سەرکۆمار ئەردۆغان پرۆژەکەی بەجێهێشت بۆ ماوەیەک گفتوگۆی لەگەڵ ئەو هاووڵاتییانەدا کرد کە چاوەڕێیان دەکرد و دیاریی بە منداڵان بەخشی.