ماردین.. بەتۆمەتی ئەنجامدانی گرەو هەشت کەس دەستگیرکران

ماردین- AA

تیمەکانی فەرماندەیی جەندرمەی ماردین زانیاری ئەوەیان پێگەیشت کە لە شارۆچکەی کزڵتەپە، گرووپێک گرەو دەکەن و بەشێوەی نایاسایی پارە بەدەست دەهێنن.

دوای نزیکەی شەش مانگ لە لێکۆڵینەوە و بەدواداچوون لە هەردوو شاری ماردین و باڵکئەسیر ئۆپەراسیۆن بۆسەر حەوت ناونیشان ئەنجامدرا و هەشت گومانلێکراو دەستگیرکران کە بەشێوەی قەدەغەکراو گرەویان کردبوو و ئەو پارەیەشی لە گرەودا بەدەستیانهێنابوو، خستبوویاننە سەر هەژماری بانکی کەسانی دیکە و لەو رێگەیەوە پارەکەیان سپی کردبووەوە.

لەئێستاشدا رێکارە ئەمنییەکان لەگەڵ گومانلێکراوەکان بەردەوامن.