مووش.. به‌هۆی به‌فربارین سه‌دان سه‌ر ئاژه‌ڵ بردرانه‌وه‌ گوند

مووش – AA

به‌هۆی به‌فر بارین و هه‌ڵكردنی ره‌هێڵه‌وه‌ سه‌دان سه‌ر ئاژه‌ڵ كه‌ له‌لایه‌ن ئاژه‌ڵدارانه‌وه‌ به‌مه‌به‌ستی له‌ وه‌ڕاندن بردرابوونه‌ ده‌شت و ده‌ر و چیا و چۆڵ، ناچار بوون بگه‌ڕێندرێنه‌‌وه‌ گوند.

ئاژه‌ڵدارانی گوندی كارڵیده‌ره‌ كه‌ ١٠ كیلۆمه‌تر له‌ شاری مووش'ه‌وه‌ دووره‌، ئاژه‌ڵه‌كانیان بۆ له‌وه‌ڕاندن بردبووه‌ ده‌شت و ده‌ر و چیا و چۆڵ؛ ناله‌باری كه‌شوهه‌وا كاریگه‌ری نه‌رێنی كردووه‌ته‌ سه‌ر كاره‌كانیان و دوای سێ كاتژمێر له‌ رێگابڕینێكی سه‌خت توانییان ئاژه‌ڵه‌كانیان به‌رنه‌وه‌ بۆ گوند.

حه‌مدوسه‌نا كارڵی یه‌كێكه‌ له‌ و ئاژه‌ڵدارانه‌ و رایگه‌یاند، به‌ شێوه‌یه‌كی له‌ناكاو و چاوه‌ڕواننه‌كراو به‌فربارین و ره‌هێڵه‌ ناوچه‌كه‌یانی گرتووه‌ته‌وه‌. بۆیه‌ ناچار بوون ئاژه‌ڵه‌كان به‌رنه‌وه‌ گوند.