Arife Yıldız Ünal,Muhammet Ali Kemal
14 تەمووز 2018•نوێکردنەوە: 15 تەمووز 2018
ئەنقەرە - AA
بەڕێوبەری گشتی هێڵی ئاسمانی تورکی، بیلال ئێکشی سەبارەت بە فراوانبوونی رووبەری کارکردنیان لە فڕۆکەخانەی نوێی ئیستانبوڵ و زیادبوونی کارەکانیان، رایگەیاند: "کۆمپانیای 'Turkish Ground Services' نزیکەی هەزارو ٦٠٠ کارمەند وەردەگرێت. وەک هێڵی ئاسمانی تورکیا ئێمە سێ هەزار کارمەند وەردەگرین".
بیلال ئێکشی لە چاوپێکەوتنێکدا لەگەڵ ئاژانسی ئانادۆڵو باسی لە کار و چالاکییەکانی هێڵی ئاسمانیی تورکی لە ئایندەی نزیکدا کرد.
بەڕێوبەری گشتی هێڵی ئاسمانی تورکی رایگەیاند: "لەچوارچێوەی ئامانجەکانی ٢٠٢٣دا، ئەمساڵ ١٤ فڕۆکەمان بەدەستدەگات کە چواریان کارگۆن. لە ٢٠١٩دا، ٤١ فڕۆکەی دیکەی نەوەی نوێمان دەبێت".
هەروەها گوتی: "پرۆسهی گواستنهوهی هێڵی ئاسمانی توركی بۆ فڕۆكهخانه نوێیەكهی ئیستانبوڵ كاتژمێر ٠٢:٠٠ی ٣١ی تشرینی یهكهم دهست پێ دهكات. ٨٠٠ بارههڵگر گواستنهوه و ١٢ كاتژمێر دهخایهنێت".
ئێکشی راشیگەیاند: "براندی کارگۆی هێڵی ئاسمانی تورکی " Turkish Cargo" کۆمپانیایەکی هاوبەشی لەگەڵ "ZTO"ی چینی و "PAL Air"ی هۆنگ کۆنگی پێک دەهێنێت".
بەڕێوبەری گشتی هێڵی ئاسمانی تورکی گوتیشی: "یەکەم گەشتی هێڵی ئاسمانیی تورکی لە فڕۆکەخانەی نوێی ئیستانبوڵەوە بۆ ناوەوەی وڵات بۆ ئەنقەرە و بۆ دەرەوەی وڵات بۆ ئازەربایجان و قوبرسی باکوور دەبێت".
بەڕێوبەری گشتی هێڵی ئاسمانی تورکی، بیلال ئێکشی ئاماژەی بەوە کرد کە وەک هێڵێ ئاسمانی تورکی سێ هەزار کارمەند وەردەگرن و گوتی: "کۆمپانیای 'Turkish Ground Services' نزیکەی هەزارو ٦٠٠ کارمەند وەردەگرێت. وەک هێڵی ئاسمانی تورکی ئێمە سێ هەزار کارمەند وەردەگرین".
