٢٢٢ کەس بە گومانی پەیوەندییان بە تیرۆرەوە دەستگیر کراون

وان - AA

هێزە ئەمنییەکانی تورکیا ٢٢٢ کەسیان بە گومانی پەیوەندی بە ڕێکخراوی تیرۆریستی پەکەکە/کەجەکەوە دەستگیر کرد.

بە پێی ڕاگەیەندراوێکی بەڕێوەبەرایەتی ئاسایشی وان، هەوڵەکان بۆ بەرەنگاربوونەوەی چالاکییە تیرۆریستییەکان بەردەوامە.

بە پێی ئەو ڕاگەیەندراوە، هێزە ئەمنییەکان لە میانی ڕۆژانی ١ بۆ ١٤ی نیسان، ٢٢٢ کەسیان دەستگیر کردووە کە گومان دەکرێت پەیوەندییان بە ڕێکخراوی تیرۆریستی پەکەکە/کەجەکەوە هەبێت.

ڕێکاری کارگێڕی و یاسایی دژ بە دەستگیرکراوەکان گیرایە بەر.