پوتین بە تەلەفۆن پیرۆزبایی لە ئەردۆغان دەکات

ئەنقەرە- AA

سەرکۆماری تورکیا، رەجەب تەیب ئەردۆغان و سەرۆکی رووسیا، ڤلادیمیر پوتین پەیوەندییەکی تەلەفۆنییان ئەنجامدا.

بەپێی ئەو زانیارییانەی لە سەرچاوەکانی ناو سەرۆکایەتی کۆمارەوە دەستکەوتوون، ڤلادیمیر پوتین بە بۆنەی سەرکەوتنی لە هەڵبژاردنەکانی ٢٤ی حوزەیراندا پیرۆزبایی لە رەجەب تەیب ئەردۆ‌غان کردووە.

لە پەیوەندییە تەلەفۆنییەکەدا هەردوولا جەختیان لەسەر سووربوونی خۆیان لە بەرەوپێشبردنی زیاتری پەیوەندییەکانی نێوان تورکیا و رووسیا، کردەوە.

هاوکات ئەردۆغان و پوتین باسیان لە گرنگیی هاریکاریی نێوان تورکیا و رووسیا لە بابەتە ئیقلیمییەکاندا و لەسەروو هەمووشیانەوە سەبارەت بە سووریا کرد.