Aydın Arik
20 ئاب 2023•نوێکردنەوە: 20 ئاب 2023
دیاربەکر - AA
لە پارێزگای دیاربەکر، پاسێک خۆی کێشا بە بەربەستی ناوەڕاستی شەقامەکەدا و لە ئەنجامدا ١٨ کەس لە سەرنشینانی برینداربوون.
بەپێی زانیاری دەستکەوتوو، ڕووداوەکە لە دەروازەی چوونەژوورەوەی قەزای بیسمیل ڕوویداوە و تیایدا پاسێک خۆی کێشاوە بە بەربەستی ناوەڕاستی شەقامەکەدا.
دوای ئاگادارکردنەوەیان، تیمەکانی فریاگوزاری خێرا و جەندرمە گەیشتنە شوێنی ڕووداوەکە.
لەو ڕووداوەدا ١٨ کەس برینداربوون.
بریندارەکان لەلایەن تیمی تەندروستییەوە گواسترانەوە بۆ نەخۆشخانەی حکوومی بیسمیل و ئاماژە بەوە کرا کە باری تەندروستییان باشە.
