ڤیاڕیال بۆ یەکەمجار نازناوی پاڵەوانی خولی ئەورووپای بەدەست هێنا

ئەنقەرە - AA

لە یاریگای گدانسکی پۆڵەندی، یانەی مانچستەر یونایتدی ئینگلیزی و یانەی ڤیاڕیالی ئیسپانی رووبەڕووی یەکتر بوونەوە.

لە خولەکی ٢٩ی یارییەکەدا، یاریزان گێرارد مۆرینۆ گۆڵی یەکەمی بۆ یانەی ڤیاڕیال تۆمار کرد و نیوەی یەکەمی یارییەکە بە ئەنجامی ١-٠ کۆتایی هات.

لە نیوەی دووەمی یارییەکە و لە خولەکی ٥٥دا، یاریزان ئەدیسۆن جاڤانی گۆڵی یەکسانبوونەوەی بۆ یانەی مانچستەر یونایتد تۆمار کرد و کاتی یاسایی یارییەکە بە ئەنجامی ١-١ کۆتایی هات.

بۆ یەکلاییکردنەوەی ئەنجامەکەش یارییەکە بوو بە لێدانی یەکلاکەرەوە و یارییەکە بە ئەنجامی ١١-١٠ لە بەرژەوەندی یانەی ڤیاڕیال کۆتایی هات.

بەم ئەنجامەش یانەی ڤیاڕیال بۆ یەکەمجار توانی نازناوی پاڵەوانی خولی ئەورووپا بەدەست بهێنێت.