ئاگربەست لە ئیدلب راگەیەنرا

مۆسكۆ - AA

وه‌زاره‌تی به‌رگریی رووسیا رایگه‌یاند، رژێمی سووریا ئاگربه‌ستی له‌ناوچه‌ی كه‌مكردنه‌وه‌ی گرژییه‌كانی ئیدلب راگه‌یاندووه‌.

به‌پێی راگه‌یه‌نراوێكی وه‌زاره‌ته‌كه‌، هێزه‌ سه‌ربازییه‌كانی رژێمی سووریا له‌به‌یانییه‌وه‌ به‌شێوه‌یه‌كی تاك لایه‌نه‌ له‌ناوچه‌ی ئیدلب ئاگربه‌ستیان راگه‌یاندووه‌.

له‌ده‌قی راگه‌یه‌نراوه‌كه‌دا هاتووه‌ : "ناوه‌ندی یه‌كخستنه‌وه‌ی لایه‌نه‌كانی رووسیا، له‌گه‌ڵ سوپای سووریادا رێككه‌وتووه‌، له‌پێناو گێرانه‌وه‌ی سه‌قامگیری بۆ دۆخه‌كه‌، له‌ كاتژمێر 6:00ی به‌یانیی 31ی ئابه‌وه‌ به‌شێوه‌یه‌كی تاك لایه‌نه‌ له‌ناوچه‌ی كه‌مكردنه‌وه‌ی گرژییه‌كانی ئیدلب ئاگربه‌ست رابگه‌یه‌نێت."