ئیبراهیم کاڵن و ماکماستەر کۆبوونەوە

ئیستانبوڵ – AA

گوتەبێژ و جێگری سکرتێری گشتیی سەرۆکایەتی کۆماری تورکیا، ئیبراهیم کاڵن و راوێژکاری ئاسایشی نیشتمانی ئەمریکا، هێربێرت رایمۆند ماکماستەر لە ئیستانبوڵ کۆبوونەوە.

سەرچاوەکانی سەرۆکایەتی کۆمار ئاماژەیان بەوە داوە لە کۆبوونەوەکەدا، هەردوولا جەختیان لەسەر پەیوەندی دوورمەودای ستراتیجی هاوبەشی تورکیا و ئەمریکا کردووەتەوە و تاوتوێی هەستیارییەکانی هەردوو وڵاتیان کردووە، هەروەها لەبارەی پەیوەندییە مێژووییەکانی هەردوو وڵات، تاقیکردنەوەکانی ستراتیجی هاوبەش و پێشهاتەکانی ناوچەکەوە ئاڵوگۆڕی بیروڕایان کردووە.

لەم بارەیەوە بە وردی تاوتوێی ئەو تەوەرانەیان کردووە کە کاریگەری نەرێنی دەکەنە سەر پەیوەندییەکانی هەردوو وڵات و لەبارەی دۆزینەوەی رێگەچارەیەک بۆ پتەوکردنی بەرەنگاربوونەوەی هاوبەشی هەر جۆرە رێکخراوێکی تییرۆریستیش دواون.