ئەمریکا بە بەهای زیاتر لە ۱٦ ملیار دۆلار چەک بە سویسرا دەفرۆشێت

واشنتۆن-AA

ئاژانسی هەماهەنگی ئاسایشی بەرگریی ئەمریکا لە راگەیەندراوێکدا ئاشکرای کرد کە وەزارەتی دەرەوە لە چوارچێوەی فرۆشتنی چەک و پێداویستی سەربازیی بە سویسرا، رەزامەندی نیشانداوە لەسەر فرۆشتنی ٤۰ فڕۆکەی جەنگیی لە جۆری "F-18A" بە بەهای حەوت ملیار و ٤٥۲ ملیۆن دۆلار بەو وڵاتە.

لە راگەیەندراوەکەدا باس لەوە کراوە کە گرێبەستەکە دەبێتە هۆی بەهێزکردنی ئاسایشی سویسرای دۆستی ئەمریکا و سوودی بۆ پەیوەندییەکانی نێوان هەردوو وڵات دەبێت.

لە راگەیەندراوێکی دیکەشدا ئەوە ئاشکرا کراوە کە وەزارەتی دەرەوەی ئەمریکا، رەزامەندی نیشانداوە لەسەر فرۆشتنی ٤۰ فڕۆکەی جەنگیی لە جۆری "F-35" بە بەهای شەش ملیار و ٥٨۰ ملیۆن دۆلار بە سویسرا.

لە راگەیەندراوی سێیەمیشدا ئەوە خراوەتەڕوو کە ئەمریکا بڕیاری داوە سیستمی بەرگریی ئاسمانیی پاتریۆت لە جۆری "PAC-3" بە بەهای دوو ملیار و ۲۰۰ ملیۆن دۆلار بە سویسرا بفرۆشێت.