به‌ریتانیا ره‌زامه‌ندی نیشاندا له‌سەر به‌كارهێنانی ڤاكیسنی ئۆكسفۆرد

ئه‌نقه‌ره‌ - AA

به‌ریتانیا ره‌زامه‌ندی نیشاندا له‌سەر به‌كارهێنانی ڤاكیسنی ڤایرۆسی كۆرۆنای نوێ به‌ شێوه‌یه‌كی به‌رفراوان كه‌ كۆمپانیای ده‌رمانی به‌ریتانی-سویدی سه‌ربه‌ زانكۆی ئۆكسفۆرد به‌ هه‌ماهه‌نگی له‌گه‌ڵ Astra/Zenaca به‌رهه‌می هێناوه‌.

دەستەی پەخشی بەریتانیا "BBC" بڵاویكرده‌وه‌ كه‌ دامه‌زراوه‌ی رێكخستنی به‌رهه‌مه‌ ته‌ندروستییه‌كان و حه‌ب و ده‌رمانی به‌ریتانیا رایگه‌یاندووه‌ كه‌ ئه‌م ڤاكسینه‌ بۆ به‌كارهێنان متمانه‌پێكراوه‌.

به‌م جۆره‌ ئه‌م ڤاكسینه‌ به‌ دوای ئه‌و ڤاكسینه‌ی کە له‌لایه‌ن كۆمپانیای بایۆ ته‌كنه‌لۆجیای ئه‌ڵمانیا BioNTech و كۆمپانیای ده‌رمانی Pfizerی ئه‌مریكاوه‌ به‌رهه‌م هێندرا، وه‌ك دووه‌مین ڤاكسینی كۆرۆنا تۆماركرا.