بە هۆی نقومبوونی بەلەمێک ٦ پەنابەر خنکان

لە ئەنجامی نقومبوونی بەلەمێک لە کەناراوەکانی دوورگەی لێسبۆس لە دەریای ئیجە کە پەنابەرانی هەڵگرتبوو، ٦ کەس گیانیان لەدەستدا.

بە پێی هەواڵێکی ئاژانسی فەرمیی هەواڵیی ANA-MPAی یۆنان، دوای ئەوەی کە لە نقومبوونی بەلەمێک لە باکووری دوورگەی لێسبۆس لەلایەن یەکەکانی ئاسایشی کەناراوەکانی تورکیاوە، ئاگادار دەکرێنەوە، تیمەکانی ئاسایشی کەناراوەکانی یۆنان، دەچنە شوێنی رووداوەکە.

تیمە یۆنانییەکان، تەرمی منداڵێک، چوار ژن و پیاوێک دەدۆزنەوە و ژنێکی دووگیانیش رزگاردەکەن.

بە پێی ئەو هەواڵانەش کە لە میدیای لۆکاڵیدا بڵاوکراونەتەوە، مەزەندە دەکرێت بەلەمەکە سەرلەبەیانی زووی ئەمڕۆ نقوم بووبێت و لەبەر ئەوەش کە نازانرێت چەند پەنابەری هەڵگرتووە، گەڕان و پشکنین لە ناوچەکە بەردەوامە.