بەردەوامی ئۆپەراسیۆنی سوپای ئازەربایجان

باکو - AA

سوپای ئازەربایجان بەردەوامە لەسەر ئەو ئۆپەراسیۆنەی بەمەبەستی رزگارکردنی خاکەکەی دەستیپێکردووە.

لە راگەیەندراوێکدا کە لەلایەن وەزارەتی بەرگریی ئازەربایجانەوە بڵاوکراوەتەوە، ئاماژە بەوە کراوە کە بە درێژایی شەوی رابردوو، ئۆپەراسیۆنەکانی دژبە هێزەکانی ئەرمینیا کە هەوڵی بەرگرییان دەدا لە بەرەکانی ئاغدەرە، ئاغدەم، فوزوڵی، هادروت، جەبرائیل، گوبادلی و زەنگیلان بەردەوام بوو.

لە راگەیەندراوەکەدا باس لەوە کراوە کە هێزەکانی ئەرمینیا بە تۆپ و هاوەن هێرشیان کردووەتە سەر هێڵەکانی بەرگریی سوپای ئازەربایجان و لە بەرامبەردا، سوپای ئازەربایجان دوو تانکی جۆری T-72، چوار سیستمی مووشەکی گراد، تۆپهاوێژێکی جۆری D-30 و پێنج ئۆتۆمبێلی لەناوبردووە.

هەروەها لە راگەیەندراوەکەدا ئاماژە بەوە کراوە کە لە ئۆپەراسیۆنەکەدا، ژمارەیەکی زۆر سەربازی ئەرمینیا لە چالاکی خراون و کۆنترۆڵی بەرەکانی جەنگ، لەژێر دەستی سوپای ئازەربایجاندایە.