ترەمپ: "غەززە تراجیدیایە و پێویستە چارەسەر بکرێت"

واشنتۆن - AA

سەرۆکی ئەمریکا دۆناڵد ترەمپ ئاماژەی بە دۆخی غەززە دا کە لە ژێر هێرشەکانی ئیسرائیل دایە و گوتی، ئەوە تراجیدیایەکە و پێویستە چارەسەر بکرێت.

ترەمپ لە میانی کۆبوونەوەی کابینەکەیدا لەبارەی پرسەکانی ڕۆژەڤەوە قسەی کرد.

سەرۆکی ئەمریکا ڕایگەیاند، "غەززە تراجیدیایە و پێویستە چارەسەر بکرێت" و جەختی لەوەش کردەوە کە ئەو دۆخە لەگەڵ سەرۆکوەزیرانی ئیسرائیل بنیامین ناتانیاهو چارەسەر دەکات.

دۆناڵد ترەمپ ئاماژەی بە دیداری خۆی و ناتانیاهو دا و گوتی، "لە گفتوگۆکانماندا، ڕەنگە تەنیا باسمان لە غەززە کردبێت".

سەرۆکی ئەمریکا ئاماژەی بە هەوڵەکانی نوێنەری تایبەتی ئەمریکا بۆ کاروباری ڕۆژھەڵاتی ناوەڕاست ستیڤ ڤیتکۆڤ کرد و گوتی، "هیوادارین هەتا کۆتایی ئەم هەفتەیە بگەین بە ڕێککەوتنێکی ٦٠ ڕۆژە و لە میانی ڕێککەوتنەکەدا ١٠ بەدیلگیراو ئازاد و نۆ تەرمیش ڕادەست بکرێتەوە".

سەرۆکی ئەمریکا دۆناڵد ترەمپ ئاماژەی بەوەش داو کە هیوادارە ئەو ئاگربەستە ڕێگە بکاتەوە بۆ بەدیهێنانی ئاشتییەکەی هەمیشەیی.