دوایین کاروانی حاجیانی هەرێمی کوردستان گەیشتنەوە هەولێر

هەولێر - AA

دوای کۆتاییھاتنی فەریزەی حەجی ئەمساڵ، ئەمڕۆ ھەینی ١٤ی تەمووز ٢٠٢٣، دوایین کاروانی حاجیانی هەرێمی کوردستان گەیشتنەوە هەولێر.

بەگوێرەی ئەو راگەیەندراوەی کە لە وەزارەتی ئەوقاف و كاروباری ئایینی هەرێمی کوردستانەوە بڵاوکراوەتەوە، بۆ بەجێگەیاندنی فەریزەی حەج، ئەمساڵ چوار هەزار ە ٦٨٥ حاجی لە هەرێمی کوردستانەوە چوونە سعوودیە.

ئەوەش هاتووە کە لەو ژمارەیە، ٦٩٠یان لە رێگەی وشکانی و سێ هەزار و ٣٣٥یان لە رێگەی ئاسمانییەوە گەشتیان کرد و گەڕانەوە.

لە راگەیەندراوەکەدا ئەوەش خراوەتەڕوو کە چوار حاجی لە میانی بەجێگەیاندنی فەریزەی حەج کۆچی دواییان کرد و لە شاری مەککە بەخاک سپێردران.

ئەمڕۆش دوای کۆتاییھاتنی فەریزەی حەج، دوایین کاروانی حاجیانی هەرێمی کوردستان گەیشتنەوە هەولێر.