رووداوێکی هاتوچۆ لە کامیرون ٨٢ قوربانی لێکەوتەوە

ئەنقەرە - AA

لە ئاکامی پێکدادانی پاسێک و بارهەڵگرێک لە شارۆچکەی داشانگ خۆرئاوای کامیرون، ٥٣ کەس گیانیان لەدەستدا و ٢٩ی دیکەش برینداربوون.

بەپێی ئەو هەواڵانەی کە لە میدیای کامیروندا بڵاوکراوەتەوە لە ناوچەی فالاسی نزیک شارۆچکەی داشانگ، پاسێک کە نزیکەی ٧٠ سەرنشینی تیادا بووە لەگەڵ بارهەڵگرێکدا بەریەککەوتوون.

بەهۆی بەهێزی پێکدادانەکەوە، ئاگر کەوتووەتەوە و بە گوێرەی ئامارە بەراییەکان، ٥٣ کەس گیانیان لەدەستداوە و ٢٩ کەسیش برینداربوون.

بەرپرسانی ناوچەکە نیگەرانن لە بەرزبوونەوەی ژمارەی قوربانییان.