زانای ژاپۆنی ئاکاساکی لە تەمەنی 92 ساڵیدا کۆچی دوایی کرد

تۆکیۆ-AA

زانای فیزیایی ژاپۆنی، ئاکاساکی ئیسامو، داهێنەری گڵۆپی لێد و براوەی خەڵاتی نۆبڵی ساڵی ٢٠١٤ لە تەمەنی ٩٢ ساڵیدا کۆچی دوایی کرد.

بەگوێرەی هەواڵێکی ئاژانسی کیادۆ-ی ژاپۆنی، ئاکاساکی بەهۆی هەوکردنی سییەکان لە نەخۆشخانەی شاری ناگۆیا کۆچی دوایی کردووە.

ئەو زانا ژاپۆنییە کە لەدایکبووی شاری کاگۆشیما-یە لە ساڵی ١٩٥٢وە زانکۆی تەواو کردوە و لە کارگەی ئەلەکترۆنی ماتسوشیتا کە لە ئێستادا ناوەکەی بووەتە پاناسۆنیک، کاری کردووە.

ئاکاساکی، لە ساڵی ١٩٨١دا لە زانکۆی ناگۆیا ناونیشانی پڕۆفیسۆری بەدەستهێناوە و بەهۆی داهێنانی گڵۆپی لێد، ساڵی ٢٠١٤ خەڵاتی نۆبڵی فیزیای بەدەستهێناوە.