سكرتێری گشتیی نه‌ته‌وه‌یه‌كگرتووه‌كان سه‌ركۆنه‌ی هێرشه‌ تیرۆریستییه‌كه‌ی ئیستانبوڵی كرد

نه‌ته‌وه‌یه‌كگرتووه‌كان-AA

سكرتێری گشتیی نه‌ته‌وه‌یه‌كگرتووه‌كان، ئه‌نتۆنیۆ گوتێرێس به‌ توندی سه‌ركۆنه‌ی هێرشه‌ی تیرۆریستییه‌كه‌ی ئیستانبوڵی كرد كه‌ له‌رێگه‌ی ته‌قینه‌وه‌وه‌ ئه‌نجامدرا و بووه‌ هۆی گیان له‌ده‌ستدانی شه‌ش كه‌س.

له‌ راگه‌یه‌ندراوێكدا كه‌ له‌لایه‌ن سكرتاریه‌تی گشتیی نه‌ته‌وه‌یه‌كگرتووه‌كانه‌وه‌ بڵاوكراوه‌ته‌وه‌، ئه‌نتۆنیۆ گوتێرێس سه‌ره‌خۆشی ئاڕاسته‌ی خانه‌واده‌ی ئه‌و كه‌سانه‌ی له‌ هێرشه‌ تیرۆریستییه‌كه‌دا گیانیان له‌ده‌ستداوه‌، كه‌سوكاریان و حكوومه‌تی توركیا كردووه‌.

هه‌روه‌ها گوتێرێس به‌توندی هێرشه‌كه‌ی سه‌ركۆنه‌ كردووه‌ و هیوای چاكبوونه‌وه‌ی به‌په‌له‌ی بۆ برینداران خواستووە.

دوێنێ له‌ ئه‌نجامی هێرشێكی تیرۆریستییدا له‌ شه‌قامی ئیستیقلال نزیك گۆڕه‌پانی ته‌قسیم له‌ ناوچه‌ی به‌یئۆغڵو، شه‌ش كه‌س گیانیان له‌ده‌ستدا و ٨١ كه‌سی دیكه‌ برینداربوون.