سوپای ئیسرائیل غەززەی کردە ئامانج

قودس- AA

سوپای ئیسرائیل بە فڕۆکەی جەنگیی و تانک پەلاماری کەرتی غەززەی دا.

لە راگەیەنراوێکدا کە لەلایەن سوپای ئیسرائیلەوە بڵاوکراوەتەوە، ئاماژە بەوەکراوە فڕۆکەیەکی جەنگیی و تانکێک دوو پێگەی حەماسیان لە باکووری کەرتی غەززە کردووەتە ئامانج.

لە راگەیەنراوەکەدا بانگەشەی ئەوە کراوە کە هێرشەکە لە وەڵامی ئاراستەکردنی دوو مووشەک بووە لە کەرتی غەززەوە بەرەو ئیسرائیل کە لەلایەن سیستمی بەرگریی ئاسمانیی ئەو وڵاتەوە خراونەتە خوارەوە.

هاوکات هیچ گرووپێکی فەڵەستینی کەرتی غەززە بەرپرسیارێتیی ئاراستەکردنی ئەو مووشەکانەی لە ئەستۆ نەگرتووە کە ئیسرائیل بانگەشە دەکات ئاراستەی کراون.