Hamdi Yıldız
25 نیسان 2022•نوێکردنەوە: 25 نیسان 2022
قودس - AA
سوپای ئیسرائیل رایگەیاند کە لە لوبنانەوە مووشەک ئاراستەی باکووری وڵات کراوە.
سوپای ئیسرائیل لە راگەیەندراوێکدا ئاماژەی بەوە داوە "دەرکەوتووە کەمێک لەمەوبەر لە خاکی لوبنانەوە مووشەکێک ئاراستەی باکووری وڵات کراوە، مووشەکەکە کەوتووەتە ناوچەیەکی کراوەوە".
تیشک خراوەتە سەر ئەوەی کە بەهۆی ئاراستەکردنی مووشەکەکەوە، سیستەمی ئاگادارکردنەوە لە ناوچەکە چالاک نەکراوە.
رۆژنامەی "ئەلئەخبار" نزیک لە حزبوڵڵای لوبنانی بڵاوی کردەوە کە مووشەکەکە لە باشووری شاری سورەوە ئاراستە کراوە.
نزیکەی دووساڵە سنووری نێوان لوبنان و ئیسرائیل ئارامی بە خۆیەوە بینیووە.
ئەم هێرشە مووشەکییە لە کاتێکدا ئەنجام دراوە کە گرژییەکان لەنێوان فەڵەستینییەکان و ئیسرائیل لە مزگەوتی ئەقسا لە قودسی داگیرکراو و کەناری رۆژئاوا لەئارادان.
