سوپای ئیسرائیل کوژرانی دوو سەربازی دیکەی لە غەززە ڕاگەیاند

قودس - AA

سوپای ئیسرائیل کوژرانی دوو سەربازی دیکەی لە شەڕ و پێکدادانەکانی کەرتی غەززەدا ڕاگەیاند.

بەپێی ڕاگەیەندراوێکی وەزارەتی بەرگریی ئیسرائیل، دوێنێ سەربازێکی ئیسرائیلی بەناوی ئامیت بۆنزێل-ی تەمەن ٢٢ ساڵان لە لیوای پەڕەشوتەوانان لە پێکدادانەکانی ناوەندی کەرتی غەززە کوژراوە.

هەروەها لە ڕاگەیەندراوەکەدا باس لەوە کراوە کە ڕۆژی پێنجی کانوونی یەکەم لە شەڕ و پێکدادانەکانی باشووری غەززەدا سەربازێکی دیکە بە ناوی ئالەمنیو ئیمانوێل فەلەکی کوژراوە.

لە ڕاگەیەندراوەکەدا باس لەوەیش کراوە کە لەو شەڕ و پێکدادانەی بۆنزیل کوژراوە، سێ سەربازی دیکەش بە سەختی برینداربوون.

ژمارەی ئەو سەربازە ئیسرائیلییانەی لە دەستپێکی هێرشی زەمینییەوە تا ئێستا لە شەڕ و پێکدادانەکانی کەرتی غەززەی گەمارۆدراودا کوژراون، بەرزبووەوە بۆ ٨٦ سەرباز.