سەرکۆمار ئەردۆغان بەرەو ئەسیوپیا بەڕێکەوت

ئیستانبوڵ - AA

سەرکۆماری تورکیا، ڕەجەب تەیب ئەردۆغان بە مەبەستی ئەنجامدانی سەردانێکی فەڕمی بەرەو ئەدیس ئەبابای پایتەختی ئەسیوپیا بەڕێکەوت.

لە میوانخانەی دەوڵەت لە فڕۆکەخانەی ئەتاتورک، سەرکۆمار ئەردۆغان لەلایەن پارێزگاری ئیستانبوڵ داود گوڵ و سەرۆکی لقی ئیستانبوڵی ئاک پارتی، عەبدوڵڵا ئۆزدەمیر و بەرپرسانی دیکەوە بەڕێکرا.

چاوەڕوان دەکرێت سەرکۆمار ئەردۆغان لە ئەدیس ئەبابا لەگەڵ سەرۆکوەزیرانی ئەسیوپیا، ئابی ئەحمەد عەلی کۆبوونەوەی دووقۆڵی و نێوان شاندەکان ئەنجام بدات، دواتر بەشداری لە ڕێوڕەسمی واژوو کردنی ڕێککەوتننامەکان و کۆنگرەی ڕۆژنامەوانیی هاوبەشدا بکات.