غەززە.. بەخاکسپاردنی تەرمی چوار ھاووڵاتی فەڵەستینی

غەززە ــ AA

ئەو چوار ھاووڵاتییە فەڵەستینییەی کە لە دوو رۆژی رابردوودا لە ئاکامی ھێرشەکانی سوپای ئیسرائیل بۆ سەر رۆژھەڵاتی کەرتی غەززە کوژران لە رێورەسمێکدا لە لایەن دەیان ھاووڵاتی فەڵەستینی بەخاکسپێردران.

سەرەتا ھاووڵاتییانی فەڵەستین لە شاری خان یونس باشووری کەرتی غەززە نوێژیان لەسەر تەرمی دوو گەنج بە ناوەکانی ناجی ئەبو عاسی تەمەن ١٨ ساڵ و عەلا ئەبو عاسی تەمەن ٢١ ساڵ کرد کە رۆژی دووشەممەی رابردوو لە ئاکامی بۆدرومانێکی فڕۆکە جەنگییەکانی ئیسرائیل لە سنووری باشووری کەرتی غەززە کوژران.

لە لایەکی دیکەوە دەیان ھاووڵاتی دیکەی فەڵەستینی لە شارۆچکەی بەیت لاھیا نوێژیان لەسەر تەرمی محەمەد ئەبو ناجی تەمەن ٣٤ ساڵ کرد و لە رۆژئاوای شاری غەززەش دەیان ھاووڵاتی دیکە نوێژیان لەسەر تەرمی گەنجێک بە ناوی ئەحمەد عومەر تەمەن ٢٠ ساڵ کرد کە دوێنێ سێشەممە لە میانی چالاکییەکانی رێپیوانی گەڕانەوەی گەورە بە گولـلەی سەربازانی ئیسرائیل کوژران.

ھەر چوار تەرمەکە لە رێورەسمێکدا کە دەیان ھاووڵاتی فەڵەستینی بەشداریان تیایدا کرد، بەخاک سپێردران.