هۆشداری سەرۆکی ئەرکانی سوپای ئیسرائیل بۆ ناتانیاهو

قودس – AA

سەرۆکی ئەرکانی سوپای ئیسرائیل، هێرزی هالەڤی هۆشداری دا بە سەرۆکوەزیرانی ئەو وڵاتە، بێنیامین ناتانیاهو لەبارەی ئەوەی سەرکۆنەکردنی کەمکردنەوەی دەسەڵاتەکانی دادگای باڵا لەلایەن سەربازانی یەدەگ و رەتکردنەوەی رێنماییەکان لەلایەن ئەوانەوە، لەوانەیە لەنێو سەربازان تەشەنە بکات.

میدیای ئیسرائیل بڵاوی کردەوە، هێرزی هالەڤی لەبارەی رەتکردنەوەی بەشداریکردن لە مەشق و راهێنان لەلایەن سەربازانی یەدەگ کە فڕۆکەوانانی جەنگیی و پسپۆڕانی ئاسایشی سایبەریشیان لەنێو دان بەهۆی هەوڵەکان بۆ کەمکردنەوەی دەسەڵاتەکانی دادگای باڵا لەگەڵ ناتانیاهودا دواوە.

هالەڤی لەمبارەیەوە نیگەرانییەکانی خۆی بە ناتانیاهو گەیاندووە و گوتوویەتی: "زۆر نیگەرانم لە تەشەنەسەندنی رەتکردنەوەی خزمەت لەنێو سوپا و مشتومڕ دروستبوون لەمبارەیەوە. لەوانەیە ئەمە زیان بە توانای سوپای ئیسرائیل بگەیەنێت".

ئاماژە بەوە دراوە ناوبراو، هەروەها وەزیری بەرگریی ئیسرائیل، یوئاف گاڵانت'یشی لەمە ئاگادار کردووەتەوە.

سەرۆکایەتی وەزیران، وەزارەتی بەرگری و سوپای ئیسرائیل هیچ لێدوانێکیان نەداوە لەبارەی ئەم جۆرە هەواڵانە.