پۆلیسی ئیسرائیل سەرجەم دەرگاکانی مزگەوتی ئەقسا دادەخات

قودس ــ AA

پۆلیسی ئیسرائیل سەرجەم دەرگاکانی مزگەوتی ئەقسا-ی لە قودس داخست و ھێرشیکردە سەر نوێژخوێنان لە حەوشەی ئەقسا.

بەرپرسی رایگەیاندنی فەرمانگەی ئەوقافی فەڵەستین، فیراس دبس لە راگەیەندراوێکدا، پشتڕاستی ئەوەی کردەوە کە پۆلیسی ئیسرائیل سەرجەم دەرگاکانی مزگەوتی ئەقسای داخستووە.

فیراس دبس ئاماژەی بەوەشدا کە لەگەڵ داخستنی دەرگاکاندا، پۆلیسی ئیسرائیل ھێرشیکردووەتەوە سەر نوێژخوێنان لە حەوشەی مزگەوتی ئەقسا.

پۆلیسی ئیسرائیل ھیچ روونکردنەوەیەکی سەبارەت بە ھۆکاری داخستنی دەرگاکانی مزگەوتی ئەقسا بڵاونەکردووەتەوە.