ژمارەی قوربانییانی بوومەلەرزەکەی ئیندۆنێزیا روو لە زیادبوونە

جاکارتا - AA

ژمارەی ئەو کەسانەی لەئەنجامی بوومەلەرزە و تسونامییەکەی دوورگەی سولاوێسیی ئیندۆنێزیا گیانیان لەدەستدا بۆ دوو هەزار و ٩١ کەس بەرزبووەتەوە.

کاربەدەستانی پارێزگای سولاوێسیی ناوەند ئاشکرایانکرد کە ژمارەی ئەو کەسانەی لە ئەنجامی بوومەلەرزە و تسونامییەکەی ٢٨ی ئەیلوول گیانیان لەدەستداوە بۆ دوو هەزار و ٩١ کەس هەڵکشاوە.

باسیان لەوەشکرد لەدوای بوومەلەرزەکەوە تا ئێستا ٥٣٤ پاشلەرزە تۆمارکراون و کارەکانی دابیکردنی خێوەت، خواردن و ئاو بۆ نزیکەی ٨٠ هەزار کەس کە بەهۆی کارەساتە سرووشتییەکەوە دەربەدەربوون، درێژەی هەیە.