ژمارەی پەنابەرانی ئۆکراینا لە پۆڵەندا ٩،٥ ملیۆنی کەسی تێپەڕاندووە

وارسۆ - AA

تا ٣٠ی کانوونی دووەمی ئەمساڵ، ژمارەی ئەو پەنابەرانەی لە ئۆکرایناوە روویان لە پۆڵەندا کردووە، ٩،٥ ملیۆن کەسی تێپەڕاندووە.

پاسەوانانی سنووری پۆڵەندا لە تویتێکدا ئاماژەی بەوەداوە کە لە دەستپێکی جەنگی ئۆکراینا-رووسیاوە تا ئێستا، شەپۆلێکی چڕی کۆچ روویداوە.

لە تویتەکەدا باس لەوە کراوە کە تەنها دوێنێ لە ئۆکرایناوە، ٢٢ هەزار و ٧٠٠ کەس روویان لە پۆڵەندا کردووە و هاتووە: ''لە دەستپێکی جەنگەکەوە تا ئێستا، ژمارەی ئەو پەنابەرانەی لە ئۆکرایناوە هاتوونەوە پۆڵەندا گەیشتووەتە نۆ ملیۆن و ٥١٠ هەزار کەس''.

بەپێی ئەو داتایانەی خراونەتەڕوو، ژمارەی ئەو هاووڵاتییە ئۆکراینیانەی پۆڵەندایان جێهێشتووە، گەیشتووەتە حەوت ملیۆن و ٦٦٠ هەزار کەس.