کۆبوونەوەی سەرکۆمار ئەردۆغان و سەرۆکی ئۆکراینا زێلێنسکی

ئەنقەرە - AA

سەرکۆماری تورکیا، ڕەجەب تەیب ئەردۆغان لەگەڵ سەرۆکی ئۆکراینا، ڤۆلۆدیمێر زێلێنسکی کۆبووەوە.

سەرکۆمار ئەردۆغان لە دەروازەی کۆشکی سەرۆکایەتی کۆمار پێشوازی لە زێلێنسکی کرد.

لە میانی پێشوازیەکەدا سەرکۆمار ئەردۆغان و زێلێنسکی لەبەردەم ئاڵاکانی تورکیا و ئۆکراینا وێنەیان گرت.

لە پێشوازیەکەدا کە بە داخراوی بەڕووی ڕاگەیاندنەکاندا بەڕێوەچوو، هەریەک لە وەزیری دەرەوە، هاکان فیدان و وەزیری بەرگریی، یاشار گولەر و سەرۆکی فەرمانگەی پەیوەندییەکان لە سەرۆکایەتی کۆمار، فەخرەددین ئاڵتوون و گەورەڕاوێژکاری سەرکۆمار بۆ کاروباری سیاسەتی دەرەکی و ئەمنیی، ئاکیف چاغتای کڵچ ئامادەبوون.

دوای کۆبوونەوەی دووقۆڵی، سەرکۆمار ئەردۆغان و زێلێنسکی سەرۆکایەتی کۆبوونەوەی نێوان شاندەکان دەکەن و، پاشان ڕێوڕەسمی واژووکردنی ڕێککەوتننامەکان و کۆنگرەی ڕۆژنامەنووانی هاوبەش ساز دەکرێت.