یەپەگە تەقینەوەی لە ھەردوو شارۆچکەی باب و جەرابلوس ئەنجامدا

عەزاز - AA

لە ئەنجامی ھێرشێکی شانە نووستووەکانی سەر بە رێکخراوی تیرۆریستی یەپەگە/پەکەکە، بۆ سەر شارۆچکەکانی باب و جەرابلوس لە باکووری سووریا، یەک سڤیل گیانی لەدەستدا و ١٨ سڤیلیش برینداربوون.

لە ئاکامی تەقینەوەی ماتۆسکیلێکی بۆمبڕێژکراو لە شارۆچکەی باب-ی باکووری سووریا، بەپێی زانیارییە سەرەتاییەکان کەسێکی سڤیل گیانی لەدەستدا و ھەشت سڤیل برینداربوون.

لە دوای ئەوەی بۆمبێک لە شارەدێی قەباسینی سەر بە شارۆچکەی باب لە نێو کۆنتەینەرێکی خاشاکی بەتاڵ تەقییەوە، ماتۆرسکیلێکی بۆمبرێژکراویش لە ناوەندی هەمان ئەو شارەدێیە تەقییەوە و لە ئەنجامی ئەمەش حەوت سڤیل برینداربوون.

ھاوکات لە ناوەندی شارەدێی جەندورەی سەر بە شارۆچکەی جەرابلوسیش، ماتۆرسکیلێکی بۆمبڕێژکراو تەقییەوە و بەم ھۆیەوە سێ سڤیل بە سووکی بریندار بوون.

لە کۆتادا لە ئەنجامی تەقینەوەی چەند بۆمبێک لە ناوچەکە جیاوازەکان کەسێکی سڤیل گیانی لەدەستدا و ١٨ سڤیلیش برینداربوون.