بەرهەم ساڵح دوایین پێشھاتەکانی ھەڵبژاردنەکانی لەگەڵ کۆمیسیۆن و پلاسخارت تاوتوێ کرد

ھەولێر ــ AA

سەرکۆماری عێراق، بەرھەم ساڵح بەمەبەستی تاوتوێکردنی دوایین پێشھاتەکانی تایبەت بە ھەڵبژاردنەکانی پێشوەختە، لەگەڵ سەرۆک و ئەندامانی کۆمیسیۆنی باڵای سەربەخۆی ھەڵبژاردنەکان و نوێنەری تایبەتی سکرتێری گشتیی نەتەوە یەکگرتووەکان بۆ عێراق، جێنین ھێنیس پلاسخارت کۆبووەوە.

نووسینگەی راگەیاندنی سەرۆکایەتی کۆماری عێراق لە راگەیەندراوێکدا ئاماژەی بەوەداوە کە ئەمڕۆ چوارشەممە، بەرھەم ساڵح لەگەڵ سەرۆک و ئەندامانی کۆمیسیۆنی باڵای سەربەخۆی ھەڵبژاردنەکان و جێنین ھێنیس پلاسخارت کۆبووەتەوە.

بەپێی راگەیەندراوەکە لە کۆبوونەوەکەدا، دوایین پێشھاتەکانی تایبەت بە ھەڵبژاردنەکانی پێشوەختە تاوتوێ کراوە.

لە راگەیەندراوەکەدا زانیاری زیاتر سەبارەت بە ناوەڕۆکی کۆبوونەوەکە نەخراوەتەڕوو.