دانیشتنی ئەنجوومەنی نوێنەرانی عێراق دەستی پێكرد

هەولێر ــ AA

دانیشتنی ئەنجوومەنی نوێنەرانی عێراق بە سەرۆكایەتی جێگری سەرۆكی ئەنجوومەنی نوێنەران، حەسەن كەعبی دەستی پێكرد كە چاوەڕوان دەكرێت لە میانیدا ماددەی ١٥ لە یاسای هەڵبژاردنەكان تایبەت بە بازنەکانی هەڵبژاردن یەكلایی بكرێتەوە.

ئاژانسی هەواڵیی فەرمی عێراق پشت بەستن بە راگەیەندراوێكی نووسینگەی راگەیاندنی ئەنجوومەنی نوێنەرانی عێراق بڵاوی كردووەتەوە كە جێگری سەرۆكی ئەنجوومەنی نوێنەران، حەسەن كەعبی كارەكانی دانیشتنەكەی ئەمڕۆ كردووەتەوە.

ئاماژە بەو یاسایانە نەدراوە كە لە دانیشتنەكەی ئەمڕۆی ئەنجوومەنی نوێنەرانی عێراق گفتوگۆی لەبارەوە دەكرێت.

بەڵام چاوەڕوان دەكرێت لە میانی دانیشتنەكەدا، ماددەی ١٥ لە یاسای هەڵبژاردنەكان تایبەت بە بازنەکانی هەڵبژاردن یەكلایی بكرێتەوە.