مەسرور بارزانی پیرۆزبایی لە یەکگرتووی ئیسلامی کوردستان دەکات

هەولێر - AA

سەرۆکی حکوومەتی هەرێمی کوردستان، مەسرور بارزانی لە پەیوەندییەکی تەلەفۆنییدا لەگەڵ سەڵاحەددین بەهائەددین، پیرۆزبایی بیست و حەوتەمین ساڵیادی راگەیاندنی یەکگرتوویی ئیسلامی کوردستانی لە ئەمینداری گشتی و سەرکردایەتی و ئەندامانی یەکگرتووی ئیسلامی کوردستان کرد و هیوای سەرکەوتنی بۆ خواستن.

نووسینگەی راگەیاندنی سەرۆکی حکوومەتی هەرێمی کوردستان بڵاویکردەوە، لە میانی پەیوەندییە تەلەفۆنییەکەدا، ئەمینداری گشتیی یەکگرتووی ئیسلامی کوردستان، سوپاسی سەرۆکی حکوومەتی هەرێمی کوردستانی کرد و "هیوای خواستووە ساڵێکی خۆشتر بەڕێ بکەین و بتوانین بە ئاشتی و یەکڕیزی خزمەتی زیاتری گەلەکەمان بکەین".