پرسەنامەی بارزانی به‌بۆنه‌ی كۆچی دوایی نووسه‌ر و رۆژنامه‌نووس عه‌دنان حوسێن

هەولێر - AA

سەرۆكی پێشووی هەرێمی کوردستان، مەسعود بارزانی، به‌بۆنه‌ی كۆچی دوایی نووسه‌ر و رۆژنامه‌نووسی ئازادیخواز و ناسراوی عێراقی، عه‌دنان حوسێن، پرسه‌ و سه‌ره‌خۆشی خۆی ئاراسته‌ی خانەوادەكەی و سەرجەم رۆژنامه‌نووسان ده‌كات.

ماڵپەڕی فەرمی مەسعود بارزانی بڵاوی کردووەتەوە، سەرۆكی پێشووی هەرێمی کوردستان، به‌بۆنه‌ی كۆچی دوایی نووسه‌ر و رۆژنامه‌نووسی ئازادیخواز و ناسراوی عێراقی، عه‌دنان حوسێن، پرسه‌نامەیەکی بڵاوکردووەتەوە.

بارزانی لە پەیامەکەیدا رایگەیاندووە "عه‌دنان حوسێن دۆستێكی بەوەفای گەلەكەمان بوو و وەك كەسێكی ئازادیخواز و ڕاستگۆ‌، ھەمیشە به‌رگری له‌ مافە ڕەواكانی گه‌لی كورد و زوڵملێكراوان دەكرد".

ئەمەش دەقی پەیامەکەی بارزانییە:

بەناوی خودای مەزن و دلۆڤان

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی نووسه‌ر و رۆژنامه‌نووسی خاوەن ھەڵوێست و ناسراوى عێراقی، عه‌دنان حوسێن-مان پێگه‌یشت و زۆر خەمباری كردین.

كۆچكردوو دۆستێكی بەوەفای گەلەكەمان بوو و وەك كەسێكی ئازادیخواز و ڕاستگۆ‌، ھەمیشە به‌رگری له‌ مافە ڕەواكانی گه‌لی كورد و زوڵملێكراوان دەكرد.

لەم بۆنە خەمناكەدا سه‌ره‌خۆشی له‌ بنەماڵەی كۆچكردوو و تەواوی نووسه‌ر و رۆژنامه‌وانان و ھاوڕێیانی كۆچكردوو دەكەم و خۆم بە ھاوبەشی خەمتان دەزانم.
‌لە‌ خوای گه‌وره‌ دەپاڕێینەوە گیانی عەدنان حوسێن بە بەھەشتی بەرین شاد بکات و ئارامییش بەھەموولایەك ببه‌خشێت .

انا للە وانا الیە راجعون

مەسعود بارزانی

٢٠١٩/١٠/١١