راگەیەندراوی سوپای عێراق لەبارەی تەقینەوەکەی بەغدا

ھەولێر ــ AA

سوپای عێراق بڵاوی كرده‌وه‌، بەهۆی تەقینەوەکەی ناوەڕاستی بەغدا، سەربازێک کوژراوە و یەکێکی دیکەیش برینداربوو .

شانەی راگەیاندنی ئەمنی سەر بە فەرماندەیی ئۆپەراسیۆنە ھاوبەشەکانی عێراق راگەیەندراوێکی لەبارەی ئەو تەقینەوەیە بڵاو کردەوە کە ئەمڕۆ لە بنکەیەکی مەشق و راھێنانی سەربازیی لە ناوچەی باب موعەزەم ناوەڕاستی بەغدا روویدا.

لە راگەیەندراوەکەدا ھاتووە: "تەقینەوەکە بەھۆی نارنجۆکێكه‌وه‌ روویداوە کە بەدەست بە سەربازێکەوە بووە".

بەپێی راگەیەندراوەکە بە ھۆی تەقینەوەکەوە، سەربازێک کوژراوە و یەکێکی دیکەیش بریندار بووه‌.

پێشتر سەرچاوەیەکی ئەمنی رایگەیاندبوو، نارنجۆکێک لە بنکەیەکی مەشق و راھێناندا لە ناوچەی باب موعەزەم ناوەڕاستی بەغدا، تەقیوەتەوە و لە ئاکامدا سەربازیک کوژراوە و یەکێکی دیکەیش بریندار بووه‌.