عێراق: "٤٦٩ ئاوارەی دیکەی پارێزگای سەڵاحەددین گەڕانەوە زێدی خۆیان"

ھەولێر – AA

وەزیری کۆچ و کۆچبەرانی عێراق، ئیڤان فایەق رایگەیاند، ٤٦٩ ئاوارەی دیکەی پارێزگای سەڵاحەددین کە لە پارێزگای سلێمانی نیشتەجێبوون، گەڕاونەتەوە زێدی خۆیان.

وەزارەتی کۆچ و کۆچبەرانی عێراق لە راگەیەندراوێکدا ئاماژەی بەوەداوە کە ئیڤان فایەق رایگەیاندووە، ٧٧ خێزانی دیکەی ئاوارە کە ژمارەیان ٤٦٩ کەسە لە پارێزگای سلێمانی-یەوە گەڕاونەتەوە زێدی خۆیان لە ناوچەی قەرەغول سەربە قەزای دوجێل باشووری پارێزگای سەڵاحەددین.

ئاماژەی بەوەیشداوە، تا ئێستا ١٧٧خێزان کە ژمارەیان ھەزار و ١٦ کەسە گەڕاونەتەوە زێدی خۆیان لە پارێزگاکە.

وەزیری کۆچ و کۆچبەرانی عێراق باسی لەوەش کردووە، ئەو خێزانانە کە گەڕاونەتەوە زێدی خۆیان، یارمەتییە مرۆییەکان دەیان گرێتەوە.

رۆژی ١٩ی ئەم مانگە وەزیری کۆچ و کۆچبەرانی عێراق، ئیڤان فایەق رایگەیاندبوو، ٥٤٧ ئاوارەی دیکە کە لە پارێزگاکانی سلێمانی و دیالە نیشتەجێبوون، گەڕاونەتەوە زێدی خۆیان لە پارێزگای سەڵاحەددین.

بەھۆی ھێرش و پەلامارەکانی داعش بۆسەر بەشێک لە ناوچەکانی عێراق لە ھاوینی ٢٠١٤دا، نزیکەی ٥،٥ ملیۆن عێراقی دەربەدەربوون کە بەشێکیان وەک ئاوارە روویان لە ھەرێمی کوردستان کرد و بەشێکی دیکەشیان وەک پەنابەر روویان لە وڵاتانی دراوسێ و وڵاتانی ئەورووپا کرد.