عێراق.. ھێرشێکی داعش لە دیالە کوژران و برینداربوونی حەوت سەربازی لێکەوتەوە

ھەولێر ــ AA

لە ئاکامی ھێرشێکی داعش بۆسەر خاڵێکی سوپای عێراق لە پارێزگای دیالە، حەوت سەرباز کوژران و برینداربوون.

لەوبارەیەوە ئەفسەر لە پۆلیسی دیالە، ملازمی یەک شەعلان کاملی لە لێدوانێکدا بۆ ئاژانسی ئانادۆلو رایگەیاند کە ژمارەیەک تیرۆریستی داعش ھێرشیانکردووەتە سەر خاڵێکی سوپای عێراق لە قەزای خانەقین باکووری دیالە.

شەعلان کاملی ئاماژەی بەوەیشدا کە لە ئاکامی ھێرشەکەدا، یەک سەرباز کوژراوە و شەشی دیکەیش برینداربوون.

باسی لەوەشکرد کە وێرای ئەوەی ئۆپەراسیۆنەکان درێژەیان ھەیە، بەڵام تیرۆریستان ناوە ناوە ھێرش دەکەنە سەر ھێزە عێراقییەکان.