هەڵبژاردنی ئەنجوومەنی سەرکردایەتی یەکێتی بەڕێوەدەچێت

سلێمانی - AA

سێیەم رۆژی کۆنگرەی یەکێتی نیشتمانی کوردستان ئەمڕۆ دووشەممە بە هەڵبژاردنی ئەنجوومەنی سەرکردایەتی گشتی دەست پێدەکات.

رۆژی دووەمی کۆنگرەی "نوێبوونەوە"ی یەکێتیی نیشتمانیی کوردستان دەست بەکارەکانی کرد و پەیڕەوی ناوخۆی یەکێتیی نیشتمانیی کوردستان، بە زۆرینەی دەنگی ئەندامانی کۆنگرە پەسەند کرا.

ھەروەھا دوێنی کۆنگرەی یەکێتیی نیشتمانیی کوردستان مەرجەکانی کاندیدبوونی بۆ ئەندامێتی ئەنجوومەنی گشتی پەسەند کرد.

بڕیار درا کە لە سێیەم رۆژی کۆنگرە کە ئەمڕۆ دووشەممە کاتژمێر ٩:٠٠ دەستپێدەکات، ئەنجوومەنی سەرکردایەتی گشتی هەڵبژێردرێت.

بەپێی پێکھاتەی نوێی رێکخراوەیی یەکێتیی نیشتمانیی کوردستان، ئەنجوومەنێکی گشتی کە لە ١٢١ کەس پێکھاتووە، ئەرکی رابەرایەتی یەکێتی دەگرێتە ئەستۆ و لە یەکەم رۆژی کۆنگرەدا سێ کەسیان ھەڵبژێردران.

بەرھەم ساڵح، قوباد تاڵەبانی و رێواز فایق ھەڵبژێردراوانی یەکەمی ئەنجوومەنی سەرکردایەتی گشتی بوون کە متمانەی کۆنگرەیان بەدەست ھێنا.

١٢١ کەسەکە نوێنەری سەرجەم ناوچەکانی ھەرێمی کوردستان، ناوچە کوردستانییەکانی دەرەوەی ھەرێم و دەرەوەی وڵاتیش دەگرێتەوە.

ئەنجوومەنی سەرکردایەتی گشتی لە ٣٢ ئەندامی بازنەی سلێمانی، ٩ی راپەڕین، ٥ی دیالە، ٢٤ی ھەولێر (کە ٤یان کۆیە و ٥یان سۆرانە)، ھەروەھا ٢٩ ئەندامی کەرکووک، ١٠ی نەینەوا و ١ ئەندامی بەغدا و ٤ نوێنەری دەرەوەی عێراق دیاری دەکرێت.