پاپا فرەنسیس بەرەو هەولێر پایتەختی هەرێمی کوردستان بەڕێکەوت.

ھەولێر ــ AA

رابەری کاسۆلیکەکانی جیھان، پاپا فرەنسیس لە سێیەم رۆژی سەردانەکەی بۆ عێراق، شاری بەغدای پایتەختی بەجێھێشت و بەرەو ھەولێر پایتەختی ھەرێمی کوردستان بەرێکەوت.

پاپا فرەنسیس لەسەردانەکەی بۆ ھەولێر لە ھۆڵی کۆبوونەوەکانی فڕۆکەخانەی نێودەوڵەتی ھەولێر لەگەڵ سەرۆکی ھەرێمی کوردستان، نێچیرڤان بارزانی و گەورە بەرپرسانی حکوومەتی ھەرێم و کەسایەتی و پیاوانی ئاینی کۆدەبێتەوە.

رابەری کاسۆلیکەکانی جیھان، پاپا فرەنسیس دوای دیدار و کۆبوونەوەکانی لە ھەولێر بەرەو شاری مووسڵ بەڕێدەکەوێت و دەچێتە کڵێسای تاھیرەی گەورە لە شارۆچکەی قەرەقوش و لەوێ نوێژ بۆ قوربانیانی جەنگ ئەنجام دەدات.

رۆژی ھەینی رابەری کاسۆلیکەکانی جیھان، پاپا فرەنسیس بە سەردانێکی سێ رۆژە گەیشتبووە عێراق.