Изгорено човечко тело пронајдено по пожарот во Ѓорче Петров во Скопје

СКОПЈЕ (АА) – Во пожарот што избувна вчера во близина на мостот на реката Лепенец, во околината на железничката станица Ѓорче Петров е пронајдено изгорено човечко тело, соопшти Министерството за внатрешни работи на Северна Македонија, јавува Анадолу.

Пожарот зафатил сува трева и се проширил на неколку помошни простории и штали со домашни животни.

Бригадата за противпожарна заштита Скопје интервенирала и го изгаснала пожарот.

При гаснењето, во една од помошните простории било пронајдено изгорено човечко тело, како и изгорени тела на добиток, соопшти МВР.

Се преземаат мерки за целосно расчистување на случајот.