Рама: Албанија е избрана за домаќин на следниот самит на НАТО

Премиерот на Албанија, Еди Рама, изјави дека Албанија е избрана за земја домаќин на следниот самит на НАТО, но, според него, сè уште нема заеднички став за тоа кога ќе се одржи самитот, јавува Анадолу.

Рама учествува на 9. Самит на Европската политичка заедница во Даблин, Ирска.

Говорејќи пред медиумите, Рама рече дека албанскиот народ му дал многу силен мандат, како што истакна, да ја води земјата кон Европската Унија.

„Албанија е избрана за земја домаќин на следниот самит на НАТО. Прашањето е што сè уште нема заеднички став за тоа кога ќе се одржи самитот. Секако, тоа нема да биде во 2027 година, додека во 2028 година, доколку се одржи самит, ќе се одржи во Тирана“, рече Рама.

Истакнувајќи дека целосно ја поддржуваат Украина, Рама рече дека иднината на континентот е заедничка иднина „за која треба да работиме користејќи ги сите средства“.

Рама, меѓу другото, истакна дека Европската Унија несомнено е центар на гравитација на континентот.

Зборувајќи за Европската политичка заедница, Рама додаде дека станува збор за формат чија цел е да ги вклучи сите актери, истакнувајќи дека е почестен и привилегиран што е дел од овој формат.